ساڈے بارے

جان پچھان ۔بٙلکار نیوز۔
“بٙلکار” پنجابی زبان دا اکھر اے۔
بٙل، ٹِل،طاقت تے زور نوں کہندے نیں۔ کار دا مطلب اےکرن والا وکھان والا۔ لکھن والا۔
بٙلکار دے لفظی معنے ہون گے، طاقت و زور دا وکھالا کرن والا۔
اصطلاحی معنیاں وچ اس دا مطلب کجھ ایسراں ایں،اپنے حقیقی ٹِل دی بنیاد تے کسے دوجے نوں مقابلے لئی بلان والا۔ چیلنج کرن والا۔
مقصد: کسے وی کم یا شے دی لوڑ دی شدت ہی اس دے بنان یا کرن دا مقصد ہوندی اے۔ جِنّی لوڑ چوکھی ہووےگی اوناں ای مقصدیت وی چوکھی تے بھرویں ہووےگی۔مقصد ای کسےوی شے دی اُساری دی حقیقی نِیہہ ہوندا اے۔
اج دے الیکٹرانک میڈیا وچ پنجابی زبان وچ خبرنامے دی لوڑ تے تھوڑ نوں مُکھ رکھدیاں ہویاں”بٙلکار نیوز” دا وجود ڈھالیا گیا اے۔
عالمی پنجابی تنظیم
دل دریاپاکستان رجسٹرڈ” جیہڑی کہ پنجابی زبان، ادب تے رہتل لئی کم رہی اے، اس دے اعلیٰ عہدےداراں نے باہمی مشاورت نال اس دا قیام عمل وچ لیاندا اے۔الیکٹرانک میڈیا تے پنجابی زبان دی حصا داری لئی اک جُہد اے کوشش اے۔ایسراں”دل دریا پاکستان رجسٹرڈ” دی چھتر چھاویں”بٙلکار نیوز” پنجابی زبان وچ خبرنامہ پیش کرن دے نال نال پنجابی زبان، ادب تے رہتل دے ودھا تے بچا لئی وی اپنا کردار ادا کرے گا۔