44

اسلام آباد: نیشنل الیکٹرک پاور ریگولیٹری اتھارٹی (نیپرا) نے بجلی دیاں قیمتاں وچ اک روپیہ 49پیسے فی یونٹ وادھے دی منظوری دے دتی اے

نیپرا دے فیصلے توں صارفین تے 189ارب دا بھار پوے گا۔ ایہہ وادھا ایس ورھے دی پہلی تے دوجی سہ ماہی دی ایڈجسٹمنٹ دی مد وچ کیتا گیا اے۔ بجلی دیاں قیمتاں وچ وادھے دا اطلاق کے الیکٹرک دے علاوہ ساریاں تقسیم کار کمپنیاں تے ہووے گا۔ قیمتاں وچ وادھا صارفین توں آئندہ 15مہینے وچ وصول کیتا جاوے گا۔ وادھے دا اطلاق لائف لائن صارفین تے نہیں ہووے گا۔ وزارت توانائی نے بجلی دیاں قیمتاں وچ 2روپے یونٹ تک وادھے دی درخواست کیتی سی۔
نیپرا دی منظوری بعدوں وزارت توانائی قیمتاں وچ وادھے دا نوٹیفکیشن جاری کرے گی۔ ایس مالی ورھے دی تیجی تے چوتھی سہ ماہی دے بقایا جات دا فیصلہ بعدوں ہووے گا۔

ایس خبر تے اپنی رائے دا اظہار کرو

اپنا تبصرہ بھیجیں