33

لہور:پاکستان مسلم لیگ ن تے پیپلز پارٹی دے درمیان حکومت مخالف اتحاد وچ تیزی آ گئی۔

بلاول بھٹو اتوار نوں مریم نواز نال ملن جاتی امراء جاون گے۔ لیگی رہنما مریم نواز نے بلاول بھٹو نوں فون تے جاتی امراء آون دی دعوت دتی۔ جہدے تے بلاول نے اتوار دی دوپہر مریم نواز نال ملاقات دا ویلا فائنل کر لیا۔ کل دوپہر ڈیڑھ وجے رائیونڈ وچ دونواں رہنماواں دی ملاقات ہووے گی جہدے وچ حکومت مخالف اتحاد تے نیب کیسز دے حوالے نال گل بات کیتی جاوے گی۔
ذرائع دے مطابق ملاقات وچ دونواں جماعتاں دے سینئر رہنما وی رَلت کرن گے جد کہ وفاقی بجٹ دے حوالے نال وی امور زیر بحث آون گے۔ یاد رہوے کہ ایس توں پہلاں مریم نواز نے سیاسی اتحاد دا مظاہرہ کردے ہوئے چیئرمین پاکستان پیپلز پارٹی بلاول بھٹو نال اک افطار ڈنر وچ ملاقات کیتی۔ بلاول ولوں منعقدہ افطار ڈنر وچ اوہناں نے مریم نواز نوں وی مدعو کیتا سی۔

ایس خبر تے اپنی رائے دا اظہار کرو

اپنا تبصرہ بھیجیں