13

قومی احتساب بیورو (نیب) نے پیپلزپارٹی دی رہنما تے آصف زرداری دی بہن فریال تالپور نوں اسلام آباد دے علاقے ایف ایٹ توں گرفتار کر لیا اے پر اوہناں نوں نیب دفتر دی بجائے اپنے گھر وچ ای نظر بند رکھیا جاوے گا۔

نیب راولپنڈی نے جعلی بینک اکاؤنٹس تے میگا منی لانڈرنگ کیس وچ رکن سندھ اسمبلی فریال تالپور نوں وفاقی دارالحکومت توں گرفتار کر لیا اے۔ فریال تالپور نوں ایف ایٹ وچ آصف زرداری دے گھر دے ساہمنے اوہناں دے گھر توں گرفتار کیتا گیا۔ نیب اعلامیے دے مطابق جعلی اکاؤنٹس کیس وچ زیر حراست فریال تالپور دے گھر نوں وی سب جیل قرار دتا گیا اے تے اوہناں نوں نیب دفتر دی بجائے اپنے گھر وچ ای نظر بند رکھیا جاوے گا تے اوہناں نوں اج صبح احتساب عدالت وچ پیش کیتا جاوے گا۔ اعلامیے وچ آکھیا گیا اے فریال تالپور تاحکم ثانی اپنے گھر وچ مقید رہن گیاں، نیب نے اوہناں دی عزت نفس دا پہلاں وی احترام کیتا تے آئندہ وی ایہدا خیال رکھیا جاوے گا۔

ایس خبر تے اپنی رائے دا اظہار کرو

اپنا تبصرہ بھیجیں